Maogmang aldaw po saindo gabos!!
Kasuodma, Marso 5, 2008, narehistro an Sumaro’ Bikolnon, Inc., sa Securities and Exchange Commission, na masususog sa numerong ini: CN200826167.
An katuyohan kan pagiriba pong ini simple sana. Ini an mamato, mapadangat, masurog asin mapagantad kan kulturang Bikolnon.
Sakop sa saiyang paghingoa, iyo an mga minasunod:
1. Magbantay, mag-adal asin magpauswag kan lenggwaheng bikol
2. Mag’andorog sa mga parasurat sa tataramon na ini asin magmukna’ nin mga programa sa pag’agyat na dumakol an nagsusurat sa bikol,
3. Magtipon asin magrimpos kan mga historia sa ronang bikol,
4. Magti’mos asin magpabantog kan mga awit banwaan kan satuyang rona,
5. Magtaong insentibo sa mga Bikolano na magkompos nin mga kantang bikolnon,
6. Magsaray asin magpreserba kan mga artifacts, mga monumento asin mga bagay arkiyolohikos,
7. Magin antabay asin hadoyan kan arin man na institusyon, pribado o publiko, sa mga bagay na kultural, asin
6. Maggibo nin anoman pa man na lakdang na an kulturang bikolnon magdanay, maglakop, magtalubo asin magrambong.
AN enot na mga incorporator kaini iyo sa:
1. Jose Fernando P. Obias – chairman/president
2. Fabiana A Arejola – director/ treasurer
3. Clodualdo N. Ceron – director/ auditor
4. Estilito B. Jacob – director/ secretary
5. Danilo M. Gerona- director
6. Ramon O. Olaño, Jr.- director
7. Fr. Wilmer Joseph S. Tria- director
8. Kristian S. Cordero- director
9. Jose V. Barrameda, Jr.- director
10. D.C. Nathan Sergio- director
11. Gian Paolo P. Priela- director
An interesado pong mag-ayon sa kaburunyogan na ini, magtext sa mga minasunod na numero:
09173659016 (JoeFer Obias), 09195920724 (Fabie Arejola), 09198382651(Ramon Olaño, Jr.) o mag-apod sa landline na ini: (054) 4722021 (JoeFer Obias)
O para duman na yaon sa abroad, sa ngonyan pwede kamo mag-email sa olanojr@yahoo.com, jfopapernaga2@yahoo.com, hagbayon46@yahoo.com, estingjcb@yahoo.om
Nota: Idto pong dai nakaabot sa mga pagpapirma o nagkulang sa mga kaipohan na detalye, ginibo na lang na kaapil huli ta inaapora an pagparehistro. Enot na miting ginibo kan Des. 9, 2007 sa Madrigal Foundation Bldg., Ateneo de Naga University.
