Para duman sa mga naghahalat kun ano na an ginigiribo kan mga kaapil sa Sumaro Bikolnon, maogmang ipabareta mi saindo na sige an tiripon kani na daing loktaw kada ika-3 domingo kan bulan, poon pa kan Des. 9, 2007.
Herak nin Diyos, asin sa maigot na paghingoa mansana kan mga myembro, igwa naman nin nagkaharaman. Totoo sa papel pa sana. Hinuhusay pa ogaring an tamang direksyon kan grupo, asin pinanday pa an mga ipapa-otob na mga plano.
Ining nakaaging duwang tiripon (Mayo 18 asin Hunyo 15), naghirilingan an mga kaapil diyan sa harong kan bantog na historyador na si Joe Barrameda, an kagsurat kan librong In the Crucible of an Asymmetrical War In Camarines Sur 1942-1945.
Giraray, inaalok mi an gabos na interesado asin may pagmakulog y pagkamoot sa kulturang Bikolnon na bumali sa kaburunyogan na ini. Burugkos dakul an mahahaman.
Kasuodma an tiripon inayonan kan mga minasunod: Joe Barrameda, Ramon Olaño, Jr., Guillermo Abrenica, Gian Paolo Priela, Kristian Cordero, Jason Chancoco, Nathan Sergio, Fabie Arejola, Fr. Manny Zagada , asin si Joe Fernando Obias.
1. Sa tiripon inaproban na an mga opisyal na mga komitiba na iyo an matolod sa pag-asikaso kan mga manlaen-laen na trabaho na itinoka sa lambang komitiba:
- Membership Committee
- Committee on Heritage Architecture, Markers and Museums
- Committee on Historical Research and Publications
- Committee on Cultural Events, Festivals and Historical Celebrations
- Committee on Musical, Visual and Performing Arts
- Committee on Literary Arts and Linguistics
- Committee on Promotion and Marketing
Kun saen an interes asin talento kan saro, duman siya malaog asin linalaoman na dakula an ikakahiras niya para sa paglalapigot kan grupo.
Uya tabi an malinaw na katuyohan kan kasararoan susog sa ipinalagda asin ipinarehistro sa Secruity and Exchange commission
- To advocate conservation, promotion, and protection of Bicol’s historical and cultural heritage;
- :To formm ulate policies, strategic an d long-term plans and programs for the historical and cultural development of Bicol;
- To support and link up with the government and private sectors on all matters pertaining to Bicol culture and history;
- To secure and mobilize resources, here and abroad, for sustained program and project implementation; and
- To perform such other functions as the Board may decide.
January 5, 2009 at 9:15 am
Naoogma po akung maray na ugwang mga taong arog nindo na nag tatabang para mas mapa uswag pa lalo ang satuyang kultura dagos matawanan pa ning linaw ang mga blankong papel kang satuyang kasaysayan. Ako saro man ning Bikolano na ugwa ning dakulang pag kamoot sa satuyang bilog na rona, Ang gayon sagkod and kolor kang satuyang kasaysayan iyo ang mas nag tatao sakuya ning mas dakulang kaogmahan. Kaya labi labi ang sakuyang pasasalamat kang naaraman ko na ugwang grupong arog nindo na nagtutulod para mas matawan ning kolor ang estorya kang Rehiyong Bikol. Mga Oragon!!
Lugod, maging ma trayumpo ang mga gigibihon nindo sa maabot pang mga aldaw. Ipadagos po nindo ang mga magagayon na gawing ini. Tawanan lugod kamo ning liwanag kang satuyang kagurangnan ta ngarig mas mapatibay pa ang pag kakaburugkus kang saindong iribahan. !… Viva Bicolandia.
January 5, 2009 at 12:43 pm
Dios mabalos kan saimong maimbong na pag-omaw kan samuyang ginigibo sa lantad nin kulturang bikolnon. Sa ngonyan pigpapapusog mi pa an kaayonan na ini. Dakul an problema pero dakul man an gama-gama kan mga kaapil na may mahaman lamang sa mga proyekto.
Pwede ka man magbali igdi kun saimong pagmamarhayon. Padarhan mi ika nin downlloadable na forma sa pagmiembro.
Bisitahon mo man tabi an Bikol Wikipidya. Dakul na kaming mga artikulo na kultural asin historikal asin sige pa an dugang. Uya tabi an takod:
Logod, padagos an pagrarom kan saimong pagkamoot sa satuyang kulturang bikolnon.
tanhaga
January 5, 2009 at 12:57 pm
Salamt na gayo sa saimong maimbong na pag’omaw sa mga paghingoa mi sa lantad nn kultura.
Sa ngonyan pigpapapusog mi pa an kaayonan na ini asin nagpapadakul kaming kaapil. Dakul an problema pero dakula man an gama-gama na may mahaman lamang sa mga pigmawot na mga proyekto.
Pwede ka man mag-ayon sa kasararoan na ini. Magsabio kas lang ta padarhan mi ika nin Kasuratan sa Pag-apil sa paagi nin internet saka iprint mo na lang tapos ipadara mo samo paagi nin koreo.
Maagda taka man na bisitahon mo an websayt kan Bikol Wikipidya. Uya an takod na klikon mo:
Logod magrarom pa an pagkamoot mo sa Kuolturang Bikolnon.
Tanhaga
January 5, 2009 at 1:22 pm
Mabalos sa saimong maimbong na pag’omaw kan mga pagjhiingoa mi sa lantad nin kultura.
An ginigibo mi ngonyan pigpapapusog mi an kaayonan na ini. Dakul an problema. Pero dakula man an gama-gama na mahaman an mga pigtotolod ming proyekto.
Kun gusto mong magbali, sabihon mo ta padarhan taka kan Kasuratan Nin Pag-apil.
Bisitaha man tabi an Bikol Wikipidya. Dakul kang maguguno diyan. May 1,880 nang mga artikulo. Sige pa an dugang. Hanapa na lang paagi kan Google Search.
Tanhaga
January 5, 2009 at 1:26 pm
Ay, sori. Natolo na pala an simbag ko saimo. Bako pa kaya akong tood paggamit kan WordPress. Huna ko dai nakaag an enot kong simbag ta garo napapara.
Tanhaga