Tigsik ko ki Bertong nale,
Sa mga huba na daraga bale-bale’
Napasukamang kalele’-lele’!
———————————-
Tigsik ko sa daragang gurang,
an kublit garo na dahon na aragirang,
Siisay pa man kaya an lalaking igdi matumang?
——————————————–
Tigsik ko an ginigibong tago,
kan mag-ilusyon nangurapot garo tuko’
siisay sainda an tolos maduko’?
—————————————–
Sarong la’gok kan sakong iniinom na arak,
tinitigsik ko an kaatubang kong mapirak,
Omaw ko nanggad ta siya an nagpapabulos rakorak!
————————————————
Tigsik ko an saiyang pagkababae,
Hawak niya daing panaw daing palnit
Abang siram kun makaipit!
—————————————-
Tinitigsik ko si Mamo sa Horoan,
Mahusay man sa inoman,
Daog pa an manok kong pambulang
Kun sa pagwaki, an paguurulayan!
Tigsik ko an nagtatagasop na haradokan,
Kan mag-agom na bagong kasal,
Daog pa an nagsosopsopan na mga kabalang!
———————————————-
Tinitigsik ko an rumansa kan mga Agta,
Maski sa mga sanga ginigibo, nakurapot sana,
Sagkod na mabari kun nagkikiwig-kiwig na1
———————————————-
Togoteng itgsik ko an babaeng luyos,
Naluyos ta daing nagharohapros,
Naluyos ta dai nababados!
———————————————-
Itigsik ko man an mga harakatak,
kan mga parainom na mga usmak,
Nangalatikat sa tahaw nin paglaklak!
————————————-
Tinitigsik ko si Behong Insik
Sige sana an tarotagsik,
Marara sa mga katabang magpabirik-birik!
